លោក សុំ មនោរម្យ ប្រធានលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានតំបន់ឆ្នេរ រួមជាមួយរដ្ឋបាលខេត្តព្រះសីហនុ និងក្រុងកោះរ៉ុង បានដឹកនាំភាគីជប៉ុនចុះពិនិត្យទីតាំងអគារសិក្សានៅវិទ្យាល័យព្រែកស្វាយ និងសាលាបឋមសិក្សា និងអនុវិទ្យាល័យកោះតូច

ខេត្តព្រះសីហនុ ៖ ក្រុមការងាររាជរដ្ឋាភិបាលចុះមូលដ្ឋានតំបន់ឆ្នេរ រួមជាមួយរដ្ឋបាលខេត្តព្រះសីហនុ និងក្រុងកោះរ៉ុង បានដឹកនាំភាគីជប៉ុនចុះពិនិត្យទីតាំងអគារសិក្សានៅវិទ្យាល័យព្រែកស្វាយ និងសាលាបឋមសិក្សា និងអនុវិទ្យាល័យកោះតូច ក្នុងក្រុងកោះរ៉ុង ខេត្តព្រះសីហនុ ដើម្បីស្វែងយល់ពីស្ថានភាពជាក់ស្តែង។
នាថ្ងៃ​ទី​២៤ ខែ​តុលា ឆ្នាំ​២០២៦ លោក សុំ មនោរម្យ ប្រធានលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានតំបន់ឆ្នេរ រួមជាមួយរដ្ឋបាលខេត្តព្រះសីហនុ និងក្រុងកោះរ៉ុង បានដឹកនាំភាគីជប៉ុនចុះពិនិត្យទីតាំងអគារសិក្សានៅវិទ្យាល័យព្រែកស្វាយ និងសាលាបឋមសិក្សា និងអនុវិទ្យាល័យកោះតូច ក្នុងក្រុងកោះរ៉ុង ខេត្តព្រះសីហនុ ដើម្បីស្វែងយល់ពីស្ថានភាពជាក់ស្តែង និងជួបពិភាក្សាដោយផ្ទាល់ជាមួយលោកគ្រូ អ្នកគ្រូ សិស្សានុសិស្ស សហគមន៍ និងអាជ្ញាធរមូលដ្ឋាន សម្រាប់ជាមូលដ្ឋានក្នុងការរៀបចំផែនការ និងអនុវត្តគម្រោងកែលម្អសាលារៀនឱ្យស្របតាមស្ថានភាព និងតម្រូវការនៃការអប់រំ និងបណ្តុះធនធានមនុស្សនៅក្រុងកោះរ៉ុង៕